2016.6 暹粒-吳哥國際機場要做的2,3事 [旋轉崇陽吳哥]

1. 落地買上網卡
一落機辦好簽證後, 我就9秒9跑佐去買上網卡啦
記得吾好假手於人, 朋友的司機見佢話要買上網, 就話要幫佢買, 結果比多佐US$2
哇好狼死, 一程車的價錢.

聽人講SMART 的穩定性較高, 我又跟啦
但其實去到景點裡面, 都是廢武功啦, 要用到傳呼機先溝通到, 曬9氣
所以買咩牌子都無所謂. 買吾買都無所謂, 反正, 都有篤篤司機送到目的地
不過有張上網卡系安心啲既, 有時做人做事, 都系求安心啫.

2.走要買郵票US$1 /pc (如適用)
唉大家吾好好似我咁笨實, 病到淨系記得買明信片, 無買郵票咁叻豬, 要特登泥機場被人搵笨實

3. 走要買水 US$1/支
水也, 生命之源也. 機場系無飲水機架. 吳哥咩都講錢, 吾會放過任何禁水魚的機會囉.

2016.6 好好住的Heng Kim Ny (HKN) Boutique [旋轉崇陽吳哥]

交通: 這間住宿長期有4-5個tuk tuk, 每次外出都一定有車塔.

語言: 職員們的英文很不錯. 可以放心儘情交流~

房間: King room(3樓)比Single room (2樓)的好,因為多佐張搖櫈坐下.房間大. 衣架有4-5個.        
張床比看網頁相時細. 對我這個152cm來說, 已經夠大了. 乾淨, 張床又厚又彈, 很舒服.



Wifi: 快

浴室: 乾淨, 冇水漬

觀景: 3樓比2樓的好. 因為無建築物遮擋. Very Good.



Foot massage: 尼間做腳底按摩好舒服. 短短15分鐘, 我都快睡了.

交通: 因為較遠市中心, 所以tuk tuk 大概us$2. 住宿叫chap的篤篤 不太好. 明明說那景點有開, 到最後又說沒開. 是騙子!
樓層: 要拎行李3層樓梯, 好攰.

       

洗水間: 花灑熱水不穩定, 很失望.

             洗手盤去水位壞的. 等了一晚, 還是去不了水.

             幸好, 第2天, 清潔人員幫我弄好了. 只是, 隔天晚上, 又繼續去不了水.

             然後, 很好人地幫我轉了房

隔音: 較差. 當地4點被隔離房的人嘈醒了.

蚊子: 晚上被蚊咬了. 立刻查了蚊膏, 就沒事了. 多幸運. 之後, 當然是每晚睡前查蚊膏了

2016.6 心酸的Siem Reap War Museum [旋轉崇陽吳哥]

(相: Canon SX720HS )

本人想去曬柬埔寨地雷博物馆 和 War Museum Cambodia.

但到最後一天, 體力透支的關係, 加上柬埔寨地雷博物馆 路途遙遠, 車資要US$20, 

以上原因, 使我選擇只去 War Museum Cambodia. 

一去到先買票, 買票處和參觀的地方不一樣, 不過TUK TUK 司機通常識路, 這個問題不大.

暹粒唯一最抵的大概是每個博物館都有免費guide, 除了暹粒國家博物館.

這間有3個guides比你跟. 因為當地的英文口音不是英式的, 所以我都試聽了一陣才決定跟邊個.

那刻心想聽多啲這裡的歷史, 所以,揀佐個成熟少少的來聽,


guide一邊演講柬埔寨的戰爭歷史, 一邊展示他身上的中手榴彈, 中地雷的位置: 他只有一邊的小腿, 另一邊是義肢.

他很好. 他主動給我們摸一摸他中地雷的位置, 因為地雷就藏在他的身體裡面, 正正是膝蓋的旁邊, 很難以想像他一路以來是怎樣活過來的.

真的很不可思議. 我這輩子都沒想過會接觸到中地雷的傷者, 還能親眼目到那份傷害和震撼.

看到後, 那種感覺真的久久也難以釋懷. 心都實埋.

多麼慶幸自己選了最後一天才來這裡. 要不, 一定會影響心情.

然後, 他也有介紹"展館"的相片和戰爭用過的打仗用品: 戰機, 手榴彈等.

他說, 這裡還有一些地雷未清除:O:O:O 堅定流? 叫我們小心行. :O:O:O

他會重點介紹一些戰機, 說戰機裡面還有一些中子彈的痕跡.

大部份戰機都有寫何時哪裡買入的, 哪些年度曾使用. 增加了不少知識.

導賞尾聲時, 不知道是否每個guide都一樣. 此guide會收小費,

他說政府沒甚麼幫助, 希望大家比啲小費幫下尼度的人. 可給可不給,

因為此guide說得那麼繪聲繪影, 大家還是乖乖的付錢就對了.


很喜歡這個博物館, 不像香港的所有都封實曬, 或者隔住塊玻璃來看. 多無癮!

所以這裡真的值得花一小時多來這裡了解一下.


War Museum Cambodia
Address: Kaksekam Village, Sra Nge Commune, Siem Reap, Cambodia
Telephone number: 097 457 8666

2016.6 Day 1 就應該來的Angkor National Museum 國家博物館 [旋轉崇陽吳哥]

一入到去國家博物館, 就比條locker key 你擺自己既野啦. 好user friendly
大家記得拎啲保暖衣物, 如果吾系好易被冰封在吳哥國家博物館.

室內的設計有點迂迴, 行佐咁多日景點, 仲見到啲咁迂迴既入口設計, 心裡難免想吐嘈.

不過入到去之後, 發現尼個博物館, 講歷史, 主神講得非常詳細,抵睇!
有片有古蹟.  雖然無得摸, 但戈種零距離的感覺還是很好!

強烈建議放Angkor National Museum 落行程的頭頭, 咁就包無睇漏景點啦!

因為用了洪荒之力泥睇曬咁多個展館, 臨走真心想食啲野, 肚餓嘛, 但發現全部都系得飲品, 一系就鬆餅 sosad

最尾梗系用埋最後一分鐘去買手信啦  衣服呀 明信片呀 磁石呀 咩都有. 來到既朋友真系吾好錯過! 因為夏令比冬季的開放時間會短一點, 大家記得預鬆少少時間去行

Angkor National Museum
No. 968, Vithei Charles de Gaulle, Khrum 6, Phoum Salakanseng, Khom Svaydangum
Telephone:  855 (0)63 966 601
http://www.angkornationalmuseum.com/

2016.6 吳哥明信片和郵票 [旋轉崇陽吳哥]

話說每次去到新地方必敗的, 一定是明信片 和 郵票


未出發已經知道當地的明信片有3個途徑買到: 郵局, 市中心和遊客區的小朋友

3個途徑當中, 最便宜的竟然在遊客區, POSTCARD US$1/10 PCS, 抵玩!


去咁多日頭痛佐咁多日, 結果最尾戈日回到住才記寄我買佐明信片但未寫未買郵票也!!!!!!!!

內心激昂佐10幾秒!!!!!!!!!!


然後, 不停上網搵究竟仲有咩地方有得買郵票和寄出.


買郵票: 1) 市中心 2) 拜託住宿 和 3) 機場

出面風大雨大, 來回要US$ 4 TUK. 市區的郵局又關門了. 好撚傍偟也媽!!!!!!!

我才不要買佐明信片寄吾出啊 :'(

結果選了 拜託住宿 (US$3/ 2PCS )和 機場 (US$1/ PC).

上網睇佐郵票只系3000R, 明知被劏, 見到條氣梗系吾順啦但無計!


寄明信片: 1) 只有一個中央郵局, 舊市場，靠近河邊  2) 拜託住宿 和 3) 機場


我住宿吾近中央郵局架嗚啊~~~~~

結果選了 拜託住宿 和 機場.

住宿: 我28/6 寄出, 6/8 還未到我手

機場: 我28/6 寄出, 明信片蓋印27/7, 到我手已經是6/8

好彩分開寄, 如果吾系, 錢就比佐, 但一張都回不到來啊陰公.

2016.6 吳哥的 法國菜 Cuisine Wat Damnak 好好食啊媽~~~ [旋轉崇陽吳哥]

(相來源: Canon SX720HS )

計劃暹粒行程時, 得知暹粒是法國殖民地已經蠢蠢欲動想搵一些來試.

所以鎖定了2種：街邊檔法國麵包 和 Cuisine Wat Damnak（因為有些bloggers推薦）.

我上網又搜尋了一下　Cuisine Wat Damnak (暹粒) - 餐廳/美食評論- TripAdvisor 

(在 626 家暹粒餐廳中排名第 6 ) 哇很厲害呢~ 不得不試, 直頭是行過路過不要錯過那種~

到了當地, 發現如bloggers所說, 很多烏繩, 放心不論街邊檔定法國餐廳都有, 公平得很!

暹粒之旅一直很小心飲食, 心想千萬不要在這裡大病!!!!! 因而放棄了街邊檔法國麵包sosad

去到當地，我和朋友夾好時間後，我就網上訂位了.當去到預約頁面時, 發現法國人真系好懶，好似年經到咁，一年裡總有些日子不開，今年閉門的時段是June 26-August 29 和　September 30- October 5 included。小插曲是餐廳聯絡人email 我話無曬 A/C 位, 問我fan 得吾得. 雖然戈刻覺得法國菜和冷氣系夾過同風扇既. 但山長水又遠咁泥食, fan 都照殺啦!

我們預約的是1930, 因為活動比預期早完了, 我19就到了餐廳, 正猶豫坐住等定企住等時, 法國大廚即系法國老闆, 即刻走佐出來門口, 問我有沒有預約, 我話預約了1930, 佢肯定佐我系邊個人後, 就話:e不是2個人嗎? 我: 我朋友泥緊. 老闆即刻話: 入泥先入泥先, 我梗系話好啦, 活動了2小時, 累死了. 哈哈. 法國人真系勁好, 開始對法國人愈來愈有好感.

去到FAN AREA 後, 發現FAN 系配木製傢俱, omfg, 我勁中意木~~~~~
而且, 法國人整到好有情調, 好喜歡呢, 簡直無得輸也!

(相來源: HTC 816)


(相來源: Canon SX720HS )

多麼慶幸無得坐 A/C 位. 因為 A/C 系配簡約傢俱der.

(相來源: Canon SX720HS )

此餐廳只有2個Menu, 2種價錢: 5 courses, 24USD and 6 courses, 28USD , 很好. 對於我這種有選擇困難症的人, 愈小選擇愈好! 而且, 如卓韻芝小姐話齋"高手不做多餘野", 未食之前已經好有好感了.
肥媽今日食乜野? 睇下暹粒街市有咩新鮮的時令餸賣先!
丫仲有尼度個大廚每隔2個星期的Tuesday就會轉一次餐牌, 很用心呢
我們選的都是menu 1, 6個 courses. 

(相來源: HTC 816)

Amuse-bouche 開胃菜是也, 西瓜配肉鬆, 味道不多夾, 滴汗的心情mode on-,-|||

(相來源: Canon SX720HS )


第1道 
Fresh, steamed and fermented cabbage salad, quail, peanuts and herbs
蒸捲心菜沙拉，配鵪鶉，花生和草藥. 
這道餸的味道開始有點特別和耐人尋味. 鵪鶉配草藥, 感覺不錯, 獨特得泥好味正丫喂~
上網搜尋了一下才知 鵪鶉肉是典型的高蛋白、低脂肪、低胆固醇食物. 岩曬啲怕肥一族good


(相來源: Canon SX720HS )


第2道
Mekong langoustine pancake in noum pao style,tomalley emulsion and pickled green papaya
Noum pao style的湄公河海螯蝦煎餅，龍蝦肝汁和醃青木瓜
尼道菜可以用上驚為天人來形容. 好_好食丫!!!!
煎餅索曬啲龍蝦肝汁, 啲蝦好有蝦味而且爽口, 配青木瓜條更加爽口!

(相來源: HTC 816)



(相來源: HTC 816)

第3道
Caramelized palm sugar and star anise braised pork shank,coconut tree heart and crispy breast
拔絲棕櫚糖和八角滷肉柄，椰子樹心和酥炸X胸
甜甜的, 很中式的一個菜. 椰子樹心好爽口和滑, 正~~比碗白飯丫吾該 :P

(相來源: Canon SX720HS )

第4道 
Grilled sanday fish in wild betel leaves with rice paddy herb, toasted coconut, green and ripe mango salad
稻米草 配 烤sanday fish, 烤綠色椰子和 熟芒果沙律

最頂是稻米草(?) 我都不知道正確的中文名是甚麼sosad
只知它是香草的一種. 千萬不要單獨食此草, 很澀der
(rice paddy herb解釋來源
http://www.baike.com/wiki/%E9%A6%99%E8%8D%89%E4%B8%8E%E8%BE%9B%E9%A6%99%E6%96%99)

第二層是 烤sanday fish, 和 稻米草(?) 好夾. 一齊食先無佐陣澀味~~

第三層是烤綠色椰子(長知識, 香港平時食開的都是啡殼椰子) 和 熟芒果做沙律. 好食, 椰子很爽口; 芒果很甜

Base 是 野生檳榔葉, 很後悔沒有食到. 後來在網上查了一下, 才知它有減輕頭痛的作用
(wild betel leaves 的資料來源
https://m.facebook.com/notes/%E5%B3%B6%E5%B6%BC%E8%8A%B3%E7%99%82%E5%B8%AB-osun-aroma/%E8%AA%A4%E6%9C%83%E4%BA%86%E6%AA%B3%E6%A6%94%E8%91%89%E5%85%B6%E5%AF%A6%E4%B8%8D%E5%8F%AA%E6%98%AF%E9%85%8D%E8%A7%92/803180729765613/?__tn__=C)

(相來源: HTC 816)

第5道: 
Sticky rice, jackfruit and pandan crème brûlée
糯米，菠蘿蜜和香蘭焦糖布丁
無法抗拒的 法式焦糖燉蛋Crème brûlée 
薄薄的焦糖, 菠蘿蜜和香蘭好香好夾, 但夾埋糯米有少少怪 (可能我本身有點抗拒食糯米)

(相來源: HTC 816)


第6道: 
大廚特登拎水果出泥, 問我們滿吾滿意尼5個courses, 
朋友爭答: 哇我超中意個甜品也~我就知我冇同錯朋友泥食啦哈哈~
老老竇竇, 當我知道暹粒是進口為主, 無本地野,就無諗住食. 
但一望, 咦吾系揸流灘喎, 香港冇得食架喎, 又試下先, 一試, 哇個味實在太奇特, 
有款澀到要點鹽食, 最後點鹽我都頂吾信, 吐返出泥/0\

(相來源: HTC 816)

幾個菜都驚喜又好味, LAM LAM脷 :P
大廚用法國餐的模式來呈現暹粒當地的食材. 大部份都非常夾.
一路食一路忍吾住同朋友講, 一定要帶媽媽來試下至得! 就知我有多滿意這間法國餐廳啦~

我們多幸運，在閉門前最後一天來了 :)

想去食的朋友仔, 記得去以下連結預約也~~~~~
http://www.cuisinewatdamnak.com/reservations/

Cuisine Wat Damnak
Between Psa Dey Hoy market and Angkor High School
Wat Damnak village, Sala Kamreuk Commune, Siem Reap, Cambodia

Closed on Sunday & Monday
Tuesday-Saturday 6.30pm-9.30pm
+855 (0)77 347 762
info@cuisinewatdamnak.com

2016.6 明賣非法草披薩 [旋轉崇陽吳哥]

拼車去完柏貢, 雨下整天, 我們的愛就像雨水.
去2個地方, 塔了一整天的車, 攰到無言無語. 無聲音可聽.

在雷天交加的晚上, 竟然有車友提議食大麻pizza, 哇成班乖仔乖女竟然提議食尼啲?
我還記得我第一下的反應是真的傻了眼. 但滿腦子都是興奮的. 因為咁大個女都未食過大麻也!
在塔了一日車, 戈腦還在無乜意識的情況下, 決定一齊會一會尼個大麻pizza.

本來我以為他們已經鎖定食哪間大麻pizza, 落地才知,
車友諗住起條街度求其搵一間泥食? 哇咁咪好丫煙? 信吾信得過架間野啲草?

當我們去到餐廳, 真系揀佐大麻pizza 食後,
吾知系因為連日來的頭痛, 還是自己一個人來, 萬事最重要安全的心態.
我縮沙啦, 真系好吾型好吾型好吾型. 但勇於忠於自己. 就算跌倒也要豪邁的站起來也!

至於當晚食了甚麼? 嗯我好似食了很多菜和肉.
對於當晚, 我還有甚麼記憶? 大家好似傾得幾開心. 但吾記得講過啲乜. 因為內容好似太無聊. 丫員工服務態度好似不錯. 好似無乜烏繩. 地方好似幾寬敞.

攰到無意識, 竟然在無隊草的情況下, 都有如此迷幻的感覺, 隊埋草應該真的飛天了~

Happy Special Pizza
#079, Mondul 1, Khum Svay Dangkum
Tel: 12 302 506/ 12 307 102

2016.6 栢威夏 和 貢開 一日遊 [旋轉崇陽吳哥]

(htc 816: 攝於貢開金字塔頂)

點解泥栢威夏Prasat Preah Vihear 和 貢開Koh Ker (栢貢)?

因為看了mr Angkor 的 http://www.mr-angkor.com/preah_vihear/　和　http://www.mr-angkor.com/koh_ker/。

栢威夏有咩咁吸引我?

-泰柬歷史爭議的地方, 位於泰國與柬埔寨邊境

-在暹粒人心目中佔了一個很重要的位置

-海拔最高的古廟, 位於五百二十五米峭壁上

-古廟蓋在懸崖邊，山門雄偉，屋角高翹

遊覽栢威夏注意事項

-記得帶上護照

-暹粒到柏威夏約 3.5 小時

-在山下買票時記得先去洗手間, 要不逛幾個小時, 上山後沒洗手間, 真的急死.

-110 美金由暹粒到柏威夏山下，上山包車 25 美金另計。

-柏威夏寺門票 10 美金

-山下車子大約開了 5 到 10 分就到山頂，接著就要開始爬山了。

雨季6月來到栢, 每隔一陣子就下雨了, 雨量驚人, 落一陣雨, 所有凹位, 氹, 全部都系氹. 因而, 深深感受到為何每個君王都要先儲水, 治水後定國. 每去到不同的廟/ 首都, 我特別好奇他們的儲水和去水的方法, 每個國王都有自己的一套, 同中存異, 真的很精彩! 

用肉眼就能見到泰軍的駐守, 真的不得了. 明明行佐陣山, 千里迢迢來到這裡, 一滴汗都冇, 仲感覺到陣陣涼意, 果然系海拔最高的古廟. (落緊雨難道熱架咩, 咩喎, 咁香港有時落緊雨都會好焗架嘛, 暹粒尼度完全冇)

-------------------------------------------------------------------------------------------------------------------------

貢開有咩咁吸引我?

-金字塔建築

-完全不同於所有吳哥的其他寺廟建築

-十世紀時它曾是吳哥王國首都

-活人獻祭

遊覽貢開注意事項

- 柏威夏到貢開還要約2 小時

- 貢開門票 10 美金

- 由入口處走到金字塔的登塔階梯大約 5 – 7 分鐘

終於來到暹粒金字塔, 特登泥睇日落, 結果沒日落, 得雨落. 到底有幾分傷心幾分痴. 追佐8日了, 都得不到.  我都明, 是你的就是你的. 不是你的,  怎麼樣  都不會是 你的. 

行到扯蝦, 先上到去塔頂, 好奇望下個活人獻祭洞, 點知封曬野, 雜草叢生, 乜都睇吾到.

上到頂, 唯一的好處, 就是可以企起較高的位置, 觀看暹粒. 原來全部都是樹, 靜悄悄地帶來另一份寧靜, 而尼一份是暹粒送給我的, 獨一無二的禮物

2016.6 我在崇陽吳哥田野間瘋狂玩Quad bike [旋轉崇陽吳哥]

(相: Canon SX720HS )

在暹粒,有以下3間玩Quad bike, 3間價錢其實參吾多約us$30-us$32,

當中以ATV(第一間)最出名, 人到異地當然要揀間信譽最良好架啦~

1. Quad Adventure Cambodia ATV Tours

2. Cambodia Quad Bike

3. Siem Reap Quadbike Adventure

因為我都系第一次玩, 梗系揀有教練跟身的比較好啦~我選擇的是一小時日落tour~

適逢淡季6-9月, 連玩quad bike 都做緊9折, 由原來US$32 變到US$29, 抵玩到極呢~~

自由自在系田野間風馳電制咁狂踩油門向前衝, 甚麼都聽不到, 只聽到速度帶來的風聲和guide不停叫你慢啲既聲音, 真心爽!!! 在香港邊有咁既天氣(熱但不焗), 邊有咁大塊地(在市中心)被你揸越野車奔馳? 玩完之後, 第一個感覺系想BOOK 聽日再玩多轉也~

US$29 包啲乜?

- 接 / 送一定要系市中心

(慳返不少tuk tuk 錢 :P )

- 水 

(本身吾知有, 因為我話我想帶支水去玩, 法國人話佢提供比我, 好大方)

- 睇到咸蛋黃為止! 

(ATV 是由法國人開的, 有種悠然自得的感覺.

其他quad bike 公司玩超過一個鐘會有額外收貴, 尼間完全冇~~)

- 跟車guide會幫你無限影相
(好人到爆, 岩曬我尼啲獨遊人士wohooo)

- Welcome back cool towel

(知你玩完雙手會好污濁, 又熱, 細心到極點!)


Quad Adventure Cambodia
Country Rd Laurent, Krong Siem Reap, Cambodia
Telephone: +855(0)17 784 727 - +855(0)92 787 216

2016.6 全日得我一個訪客的MGC Asian Traditional Textiles Museum [旋轉崇陽吳哥]

對於行博物館有種情意結的我, 來到暹粒當然不放過任何行館的機會.

博物館 有好多種, 但吾系個個館都岩自己行.
最中意研究下人地服裝的我, 當然要會一會尼間啦.
第一日就諗住泥的我, 接待處話此館今天休假,不信邪, 食閉門更. sosad
幾日後的我, 再泥, 今次終於可以入去啦!

尼個館有5個區, 4間房, 包佐幾個東南亞的國家s的服裝.
一開頭系去佐片先, 之後去到邊間房都有人全程導賞,
心諗us$3 咋喎, 洗吾洗咁好服務也?
不過聽啲導賞人員講, 以前系免費入場架. 系依家先收費.
唉. 成個館一日先得us$3收入,  我都寧願當篤篤司機啦. 點生活也?

吾去吾知, 原來有啲國家都幾特別, 1星期7日, 着7種不同的色代表不同的東西,
不過之前只限貴族, 依家就梗系無皇管啦.
仲溫故知新返用啲咩做紗, 點得返泥, 做的過程, 成品系點, 仲有得摸下. 不過就冇得影相.

講真, 戈館有點悶, 無假真系吾好泥.
不過一場泥到, 假多, 有時吾知想去邊度行, 入泥了解下. 支持下都叫做番件善事咁解!

MGC Asian Traditional Textiles Museum
63 765 573/574

2016.6 頂吾順走佐去 Pharmacie Salen 買頭痛藥 [旋轉崇陽吳哥]

其實未出發前已經開始頭痛, 當初我諗我都系感冒啫, 所以帶了2盒感冒藥.
點知食曬個行程仲未完, 都算, 個頭仲要痛到無辦法活動.
訓佐14個鐘後, 頭痛依然, 最後唯有死死氣去買藥食.

我同藥劑師講, 我想買頭痛藥.
跟手佢就比佐1 PACK 12粒 無盒的必理痛我, US$1 :O:O:O 咁平????????

雖然返到泥香港, 頭痛仍然, 但必理痛都系不宜食太多!早抖啦膝頭!

Pharmacie Salen
Krong Siem Reap
+855 12 599 984

2016.6 普通高棉麵不普通的 Temple Coffee n bakery 味道 [旋轉崇陽吳哥]

(相來源: HTC 816)

去完大圈, 回到市區時間尚早, 只想吃個晚餐才回去. 在街上亂逛搵了間有點人氣的餐廳
選了豬肉配高棉麵, 看相時, 已知此菜樣兒平平, 不過不打緊啦, 我志在食高棉麵.
哇一入口, 肯定是吸收過一些中藥之類的東西, 好重味道, 此味道好好味. 而且高棉麵好滑, 我食到停不了呢 :)

(相來源: HTC 816)

Temple Coffee n bakery
Street 26 at Street Achar Sva, Siem Reap, Cambodia
Tel: +855 89 9999 09

2016.6 着佐一次件衫就生粒粒的Mooglee T-shirt @ Siem Reap Art Center Night Market [旋轉崇陽吳哥]

中意手工藝的自己, 一場來到暹粒就點都擺Siem Reap Art Center Night Market入行程裡面既.

尼個藝術夜市好易找到, 因為隔條橋就到了.  最重要的是, 它有霓虹燈, 仲有英文名, 真系老遠都找到.

燈兒很美, 此刻既讓我想起香港五光十色的夜景, 又不知怎的使我想起在俄國慶節那天的感覺. 哎也, 在暹粒的記憶和感覺真是好複雜.

來到藝術夜市, 首先梗系去了自己必去的店舖先啦. 我就系因為以下相的擺設和產品才吸引來到這裡. 可惜, 來到的時候, 這間店已經不在了唉只差1點點至可以再會面.

不過亦無減我購物慾的決心.

因為吳哥的景點都是石和磚, 全部都是石和磚的緣故. 所以揀Tee 都是朝住尼個方向去揀.

摸上手, 全棉, 手感好厚實, 很不錯的.

淨系底色都諗死人, 黑?白?黃?

再泥印花, 每個印花都加入了設計師的想法, 全部都好打耳. 有創意, 我中意.

我很忍手地只買了1件回去, 好着再買過囉

然後, 我着完一次, 洗完久後, 發現背脊衣襬都生了小粒粒sosad

好彩忍手咋, 吾系就大檸樂

Mooglee
TeL: 012 789 232
http://www.mooglee.com/mooglee/Welcome.php

2016.6 尋尋找找 終於在Angkor Market 吳哥士多行 找到 螃蟹Lay's 薯片 [旋轉崇陽吳哥]

(相來源: http://www.cambodia-hotels.com/siem-reap/shopping/)

因為匆忙地走裡面買點東西, 沒有拍照, 所以唯有偷桃.
偷桃時, 八卦連結裡面有很多看起來不錯, 但又沒去過. 早知我早點找到就好了.

大家如果不知道行古蹟以外去邊玩的話, 亦可以從連結裡找些靈感呢. :)

為何當初會找到這間店? 因為我們問司機有哪間比Lucky Mall 還要便宜?
他就介紹了這間給我們了.

一入到去, 遊客, 全部都系遊客.令我不禁懷疑尼度真系平啲?

吳哥士多行 有2層: 地下主賣食物和零食, 1樓賣少量食物, 日用品和文具.
其實我自己覺得吳哥士多行 賣既食物種類比Lucky Mall 少, 價錢都系參吾多.

當我臨走既時候, 竟然比我發現尼度有螃蟹Lay's 薯片??????
Oh my god, 估吾到連俄羅斯都冇曬貨的零食, 尼度竟然有, I love Siem Reap I love Angkor Market  !

2016.6 想看高棉舞又想食埋野其實有很多選擇, 如有要求請勿選擇Koulen II [旋轉崇陽吳哥]

(相來源: Canon SX720HS )


本來覺得一場來到暹粒看看傳统的高棉舞蹈是不錯的消遣。
沒錯, 我貪平 (其實US12 食垃圾都吾系平) 選擇了Koulen II.
咁岩落大雨, 聽到好嘈的雨聲, 已經完全影響欣賞舞蹈的心情.  一望天花-鐵皮屋頂. omfg, 真系..興已掃
都吾明晚晚咁多人泥點解吾整個好一點的屋頂?
btw 表演完可以和表演者拍照是唯一的安慰

(相來源: HTC 816)


朋友, 你值得有更好的選擇喔. 以下有4間餐廳都可以看天女舞Apsara Dance的地方. 

Smile of Angkor

参考价格：成人38美元和48美元，儿童19美元和24美元。48美元的票是VIP位子，也就是前排，38美元的票是普通位子，儿童票同理。

时间：晚餐17:30，演出19:15，演出时长70分钟。

Fou-Nan

参考价格：21.5美元/人

时间：每周一、三、五20:00，演出时长1.5小时。

Apsara Theatre 

参考价格：成人25美元，12岁以下儿童12.5美元。

时间：晚餐19:30，演出20:30pm，演出时长1小时。

Koulen II

参考价格：成人12美元，11岁以下儿童6美元。

时间：晚餐19:30，演出20:30，演出时长1小时。

Temple Balcony 

时间：演出每晚19:30开始，时长1小时。

(5間餐廳的詳細資料來源 http://cam.lotour.com/zhengwen/2015/03/1266047.shtml)

2016.6 暹粒簽證, 香港做簽證定暹粒做簽證好呢? [旋轉崇陽吳哥]

究竟要暹粒visa, 香港做簽證定暹粒做簽證好呢?

實際點, 咁即系分別要幾錢?
網上簽: HK$290    落地簽:US$30 = HK$234
屈指一算, HK$290- HK$234=HK$56

香港做簽證:
好處
- 快 (約10-15分鐘，無須預約)
- 不會臨時被坐地起價
- 不用懷着擔心和緊張的心情上機

壞處
- 比暹粒簽貴HK$56

暹粒做簽證:
好處
- 比香港簽便宜HK$56
- 更快  (排隊到拿到簽證約5-10分鐘，無須預約)

壞處
- 可能會臨時被坐地起價
- 可能會懷着擔心和緊張的心情上機


平衡完以上的的好與壞, 我系決定暹粒做簽證的, 如果你和我一樣, 咁就要看以下的出發前準備, 機上準備 和下機準備是參考mr-angkor 和加佐少少自己的筆記落去, 希望大家去到暹粒吾好好似我咁做佐隻慌失失寄兵啦.


出發前準備:

1. 持 BNO、香港、澳門、台灣、大陸都需要簽證，而新加坡與馬來西亞則免簽。

2. 只要護照、簽證費與4*6cm相片，其他都不用。

機上準備:

飛機上, 空服會發以下3樣東西:  1. 落地簽證申請表,  2. 出入境表格 和3. 海關物品申報單

1. 落地簽證申請表  (飛機上會發) , 記得貼上 4*6cm相片 和護照

(落地簽櫃枱上有清楚標示 30 美元) 

(其它的入境卡等要自行收妥，不要給辦理落地簽的人員，以免有意外)

2. 出入境表格 (飛機上會發) 落地簽證內的號碼(下圖紅線)填入出入境卡內.  因為機上有已簽證的人問我"落地簽證內的號碼"在哪裡, 我都未有簽證-,-,-,-,-,-,-|||||||| 雖然戈刻我都答岩佢, 但始終吾肯定嘛. 嗱依家清楚啦,  我肯肯定是戈條紅底就系落地簽證內的號碼,.

3. 海關物品申報單 (飛機上會發)

下機準備:

1. 來到暹粒-吳哥國際機場，一下飛機盡量不要拖延，快步走到「VISA ON ARRIVAL」處排隊 (即入口的右手邊)

2. 簽證費 (落地簽)：要岩岩好30 美元, 否則被污 (更新：2014年10月1日後價格調整如下)

3. 繳交表格之後，走過一整排辦理人員的櫃枱，發放處等待，會一個一個叫名領取護照, 最後會得到以下的成功簽証, 尼刻終於可以鬆半口氣.

(相來源: 來自mr-angkor )

A. 旅遊落地簽證：美金 USD 30 (單次，可延長一次，最長1個月)，若逾期居留則罰緩USD 5/天。

B. 商務落地簽證：美金 USD 35 (單次，可延長一次，最長3個月)，若逾期居留則罰緩USD 5/天。

C. 電子簽證：美金 USD 30 + UDS 7 手續費 (使用信用卡線上刷卡，另加 USD 3 信用卡手續費，感謝網友 nightcatcat 提供)，網址：http://www.mfaic.gov.kh/evisa/

6. 護照有效期需滿6個月始得出入境！

Reference:
http://www.mr-angkor.com/visa_on_arrival_cambodia/

2016.6 油, 全部都是油的L'oasi Italiana [旋轉崇陽吳哥]

本來是先去Angkor Handicraft Association, 點知去到覺得成個地方勁雞. 又肚餓.
就走佐去食野先. Angkor Handicraft Association的人話我知, 行10分鐘就到有餐廳,
可能因為我腳短啦, 又可能因為熱啦. 愈行愈慢.
行佐廿分鐘先搵到間餐廳. 餐廳得我一個食客, 埋藏了伏的感覺.
但一望落去感覺是清幽的. 因為一落行入泥, 有樹和石春路泥迎接我. 總算為炎熱的暹粒帶點涼意.

一個人LUNCH, 無得5050, 無得問家庭觀眾. 對我尼個有選擇困難症的人真系頓時覺得好頭痛.好彩價錢差異大, US4.5 和US7.5 都差HK$24蚊架, 塔到程半篤篤架啦~ 慳妹上身.
但來到暹粒的第一餐, 又無謂食得太差. 最後揀佐個中庸之道的價錢, us$5 , 因為得一款系us$5, 終於吾洗望住個menu 無限loop.好感恩!

原來us$5 系咁豐富既, 有包, 包條, 辣醬做前菜. main course 系有意粉油油. 油油意粉, 意油油粉, 和粉油油意,  尼餐油應該系我成世人食油份量的總和. 

餐廳職員仲比支芝士粉我, 真系要感恩. 因為芝士粉為尼個咁精彩的一餐, 畫龍點精佐. 丫, US$5 仲可以包場忝也!

L'oasi Italiana
Group 4, Phum Trang, Khum Slor Kram
Tel: 092 41 89 17