入藏方式離不開： 火車/ 飛機
大部分人無高原血統既都會選擇火車入藏，務求使自己身體慢慢適應高海拔的地方s，希望去到拉薩無咁高反。但經過尼次旅程後，我決定下次入藏會直接機入機走，吾洗屈系車廂度過三天非人的硬座生活。
講到買硬座咁慘，點解仲要揀硬座？
本來是想買硬卧的，但原來一個月前已經冇曬飛，火車飛得番軟卧$１５００ 和硬座$４７７, 價錢足足爭三倍幾，慳妹為佐慳盡每一蚊，以幾大就幾大，燒賣就燒賣的心態，豁佐出去的精神買下硬座的飛. 買佐之後, 一直抱着"應該好似塔飛機咁訓下醒下就落地架啦"的心態咁上火車嗯~
實情系:
第一日
因為廣州車站附近無得買電話上網卡的緣故, 所以尼三日是無得上網既, 咁做咩呢?系度刪相食野刪相食野刪相食野刪相食野.....
望着窗外那些白丫啡丫既風景, 有一刻真是覺得自己好似徐志摩, 好有輕輕的我終於來了
呆望了窗外的風景一陣又入睡了
當尼個動作系2個鐘重覆了3次後, 真心覺得生命很頹廢....成件傢俬咁坐佐系火車度咁-_-" 然後繼續望住車廂裡的人不停mok 瓜子食杯麵食煙mok 瓜子食杯麵食煙mok 瓜子食杯麵食煙mok 瓜子食杯麵食煙..... 發現大家都很頹廢-_-"
好在朋友耐吾耐會泥探下我傾下計, 傾傾下先知, 原來我和朋友夾住個火車餐廳坐, 急不及待看一看傳說中的藏餐, 冇乜特別, 賣普通茶記的貨式. 好失望!
好吾容易等到晚上, 22:00 便睡了. 然後22:43 武昌有人上車, 6個座位坐佐3個人, 空間還尚算OK
凌晨3:35鄭州又有人上車, 當車卡6個座位坐曬4個人, 大家對腳開始玩緊對對碰-,-,-,-,-, 屈到對膝頭哥好吾舒服, 都要訓架～ 但有啲人一上車擺好行李後仲鬼打咁精神, 開始啪啪啪啪啪咁系度瘋狂mok 瓜子-,-,-,-,-,-,-,- 吾理啦眼訓到癲, 照訓無誤, 點會估到無啦啦check 飛....真系心諗..... 無病也? 真系吾洗訓咩頂你個肺!!!!!!!!!! 等check飛, 睜開眼睛那刻, 我呆了, 我以為火燭, 成個車廂怎麼都是煙霧迷漫, 白曬色:O:O:O 尼班人的抽煙情況也未免未強勁了吧? 不過因為太眼訓的緣故, check 飛後, 唯有邊掩鼻子邊睡吧.
第二日
一大清早, 大家又開始24小時 不停"mok 瓜子食杯麵食煙"的活動, 不同的是, 今日啪啪啪瓜子的聲音得比第一日更響亮了, 杯麵的味道更濃烈了, 最受不了的是密室毒氣情況更嚴重了,同時，我懷疑我戈肺已經黑佐
9:41西安又又有人上車, 當車卡6個座位坐曬5個成人時, 啲喼已經無位放上面, 啲人開始擺椅底....逼到對腳都無位擺,...走廊永遠有無座既人企曬系度... 好逼好嘈, 戈廁所開始好多黃金....惡夢開始了, 仲有10個鐘頭先轉車, 真是點過也? 好在尼個時候識到一齊拼車的朋友，大家一齊吹吹水，時間相對地過得好佐
16:45 兰州又又又有人上車, 今次我們車卡最後一個乘客都上埋車啦, 事無前例咁逼, 而且新泥既乘客的目光很不友善, 我朋友泥搵我吹2咀啤啤貢, 新識的拼車朋友搵我又啤, 真系心諗尼個人咩事件-_-"
19:17 在西寧終於轉過部車，尼架車話嚴禁吸煙，很好，起碼臭少幾個鐘，因為之後啲人還是不理會瘋狂製造密室毒氣唉～大家“不停mok瓜子食杯麵“的活動當然少不免了吧～
2:12 格爾木 衝上泥既開始系藏人，因為乾，凍和大風既關係，所以大部份上車既都帶曬口罩，而我們只能和藏人神交，眼神交流交流一下，神交之中，發現藏人大部分雙眼都好令，增添佐旅途色彩。藏人甩開口罩，我們才發現他們臉上總是紅卜卜的，可愛到極，真是有少少想鍾佢地～ 出站外企佐一陣, 我的媽啊凍到震...........也~~~~~~
今晚不設深宵check飛. 因為買佐硬座飛既，要上車既都上曬，thanks god!
第三日
好吾容易到了硬座的第3天, 怎會料到第3天發生的事比第1,2天更幻海奇情至得架唉
啲人啪到一地都系瓜子, 管理我們車廂的業務員隔2個鐘又掃一次; 紅色和紫色的杯麵情況更加誇張, 成個黑色大垃圾袋都系杯麵; 食煙的活動還是停不了, 成地都系煙頭, 耐吾耐都會飄佐啲煙味入車廂, 好拿臭!!!!!!!!
未去到尾2戈站那曲, 用佐吾夠一日的火車, 啲黃金已經開始系個廁塔到浪下浪下，心諗邊個無沖廁咁肉９酸也？戈刻見到那畫面絕對挑戰你忍尿的能力，但世事既野就系，原來系拉薩路上的停車位的廁塔環境比系尼個恐怖十倍，就系一地都系屎尿，但你已經忍佐好耐，焗住都要去，回頭望，火車啲浪下浪下已經相對地小兒科 sosad
原定16:23 到站, 但第一日已經有車廂業務員話要16:45 才到, 結果17:30 先到, 大陸真系無樣野信得過架. /0\ 一落車出面好凍, 要即刻笠雪褲先保得住條命仔 ~0~
打佐咁多字終於完, 希望尼篇幫到 諗緊買青藏鐵路火車飛 / 買機票入藏的朋友仔啦
常平/廣州東