細個聽得多: 你系咪青山出泥? open day 洗吾洗送返你入去接受治療?
然後幽幽的說: 青山有open day先算啦~
而我今日終於可以系有生之年, 真系講得出: 青山有open day, 我見過，我真系見過
青山醫院難得搞open day, 吸引佐多年來的善眾心思思來到訪
青山比香港人的感覺不嬲都好遠, 其實青山職員都知既~
所以青山職員好有心系兆康港鐵站安排佐單層接駁巴, 每15分鐘一班車.......
2:30 去到, 條人龍真系神龍見首不見尾,
問過職員, 大約等1粒鐘就上到車. 下? 咁咪3:30 先去到?? 職員馬上建議塔輕鐵.
去輕鐵站, 505, 往三聖方向塔 2個站, 青松站落車, 腳程5分鐘就到, 好快趣.
因為OPEN DAY 收4點, 所以唯有轉塔輕鐵.
輕鐵啲站名多到暈, 分佐5個區. 睇完個圖, 完全迷失吾知系邊度
唯有快趣影佐廂外個簡單版
遠在天邊, 近在眼前
終於遇見傳說中的青山醫院
本身諗住探院友
點解我會覺得院友會被參觀既呢? 點解呢?點解呢?點解呢? 有咁既諗法心地真系好差, 但我真系咁諗....真系想探佢地
結果, 梗系無得探啦
咁佢地去佐邊?
哦! 原來去佐馬灣挪亞方舟~
擺明系有備而走
得番半個鐘, 看住下面戈個愈望愈迷茫的地圖, 突然見到人龍.
D座有咩睇, 點解咁多人排隊? 哦~ 原來個個都想去D302 睇復康病房.
借睇病房為名, 其實睇病人為實
諗住尼棟野有野睇, 咁我又去排下啦.
千辛萬苦 萬苦千辛, 終於排到上3/F 啦
去到3/F仲要繼續排........
終於到啦.
登登登登.... D302 病房已經系你面前
完。
FF佐咁多年的夢完了, 多謝收看。
後記:
1. 好在有護士長站場, 大家傾下計先冇咁失望.
護士長話系D302 既病人都系可以着出街衫, 即系D302 既病人都已經好返得8899,
咁我好奇問啦, 嚴重戈啲系邊度? 系咪系E座? 因為見E座系唯一一棟冇寫有咩參觀
佢就話, 系也, 因為E座戈啲病人相對比較嚴重, 所以不便開放參觀.
心諗其實都見吾到啲病人架啦...... 不過可能聽到出面咁嘈都會令佢地病發, 咁就吾好啦
2. 咁多年都冇搞, 點解無啦啦搞個開放日?
借55週年為名, 其實系希望市民以精神病患者的角度出發, 一同體驗從"患病", 接受"治療"到踏上"康復"之路, 藉此推廣精神健康的訊息, 帶出及早識別精神病的重要, 同時消除大眾對患者的誤解及歧視, 促進社區共融.
3. 原本覺得青山醫院應該安排精神病患者多和外界互相溝通一下, 其實對患者泥講系好事.
但一邊參觀, 一邊見到啲參觀人士影相時, 扮精神病患者, 真系覺得成件事好嘔心, 有冇諗過患者感受? 所以好彩今次見吾到患者, 如果吾系, 班參觀人士的行為可能更加過份.
其實參觀人士影相洗乜扮精神病患者, 我們生存在這個瘋狂的社會, 為工作, 家庭使自己的情緒大起大跌, 晚晚失眠, 精神分分鐘比住在青山醫院的病患者更嚴重, 可笑的是, 我們還未識別我們活得比精神病患者更像一個精神病患者. 可悲的是, 醫院夾埋得1000 個位, 想被治療要等要排期, 因為有出, 才有入.
所以我們更加要好好保重自己的身體, 除了凍佐要識得着返件暖啲既衫之外, 精神有壓力有吾開心既時候都要識得做番啲對自己精神好既野如諗野正面啲, 多啲對着鏡練習笑, 做多啲運動都對自己的精神健康好啲架!
未去到對社會有貢獻之前, 都吾好加重社會的負擔, 都系公民責任泥, 一齊加油!
沒有留言 :
張貼留言